Србија завиена во црно: Десетмина убиени во страшните масакри ќе бидат погребани

Во Србија денеска е втор ден на жалост поради трагедијата во ОУ „Владислав Рибникар“ во Белград и масовното убиство во селата околу Смедерево и Младеновац.
На белградските гробишта ќе бидат погребани четворица ученици и работник од обезбедувањето во училиштето во Врачар, како и петте момчиња кои загинаа во престрелката во Мали Орашје.

Српското знаме во амбасадата во Вашингтон, во зградата на Мисијата во Њујорк, како и во конзулатите во Њујорк и Чикаго е спуштено на половина копје поради тридневната жалост што Владата на Србија ја објави по два големи трагедии во кои загинаа 17 лица, главно деца.
Во српската амбасада и конзулатите во Њујорк и Чикаго беше отворена книга на жалост во која, како што беше соопштено за Танјуг, веќе се потпишале бројни членови на дипломатскиот кор, а меѓу првите се и амбасадорите на Хрватска и Кипар.

Share on Facebook

Tweet

Follow us

Save