Србија: Имаме докази дека косовската полиција ги убила Србите што се предадоа, па ги криеле телата!

Република Србија дојде до сигурни информации, докази, фотографии и живи зборови на заштитени сведоци дека косовската полиција ги убила Србите во конфликтот во Бањска откако биле ранети и се предале, изјави директорот на Канцеларијата за Косово, Петар Петковиќ денеска.

„Зошто ЕУЛЕКС не објави дека косовската полиција му забранила да учествува во истрагата? Тоа е затоа што косовската полиција сакала да сокрие одредени докази и вистина. Вистината е дека Србите беа ладнокрвно, свирепо и брутално убиени од косовската полиција. Тоа требаше да се скрие од ЕУЛЕКС“, рече Петковиќ.

Тој додаде дека Србија добила докази за тоа што всушност се случило во Бањска.
„Имаме докази, фотографии и изјави на заштитени сведоци. На полиграфот се потврдија и изјавите на заштитените сведоци дека ладнокрвно и брутално бил убиен Бојан Мијаиловиќ, татко на две деца, откако бил полесно ранет, паднал на земја и се предал. Беше убиен толку беспомошен, косовската полиција го застрела во глава“, изјави Петковиќ.

Од клучно значење е независната комисија, заедно со српските патолози, да ги разгледа телата и да изврши обдукција, додаде тој.
„Приштина ги крие телата на убиените Срби, а особено ни е важно да ги погледнеме телата на Бојан и Игор (Миленковиќ), бидејќи тие од непосредна близина ќе покажат како се убиени. Имаме информации дека семејствата ја извршиле идентификацијата и дека Бојан бил осакатен. Имам фотографии но не се заматени. Убиен е од непосредна близина, главата му е осакатена“, изјави Петковиќ.
Петковиќ вели дека имаме докази дека во редовите на приштинската полиција имало професионални убијци од терористички кампови.

„Испратена е наредба да не се враќаат додека не ги убијат сите Срби. Идејата беше да се исчисти целата област од Срби. Нашето единствено барање е да биде присутен КФОР, да се повлече косовската полиција, таму нема што да бараат“, рече тој.
На северот на Косово немаше косовска полиција, туку банда терористи и изнајмени убијци, рече Петковиќ, повторувајќи дека нивната цел е да убиваат Срби.

Share on Facebook

Tweet

Follow us

Save