Србија на раб на политички потрес: Вучиќ свика итна седница, уапсен поранешен министер

Ситуацијата во Србија нагло се вжештува – претседателот Александар Вучиќ закажа итна седница на Советот за национална безбедност, која ќе се одржи утре напладне. Според официјални информации, причината за седницата е сериозно загрозување на државната стабилност.

Неколку српски медиуми јавуваат дека е во тек координиран обид за државен удар. Како организатори се посочуваат високи претставници од правосудството и полицијата, вклучувајќи го и специјалниот обвинител Младен Ненадиќ, јавната обвинителка Јасмина Ганиќ, како и лица од УКП и СБПОК – српските служби за борба против организиран криминал.

Најголемата вест од утрото е апсењето на поранешниот министер Томислав Момировиќ, наводно директно поврзан со заговорот. Засега нема официјално соопштение од Владата или Министерството за внатрешни работи.

Јавноста е вознемирена, а аналитичарите предупредуваат дека следните 24 часа ќе бидат клучни за политичката и безбедносната стабилност на земјата.

Share on Facebook

Tweet

Follow us

Save