Србија под притисок за признавање на Косово: Брисел работи на организирање средба Вучиќ – Курти

Специјалниот пратеник на ЕУ за дијалогот Белград-Приштина, Мирослав Лајчак, рече дека Брисел работи на организирање состанок на претставници на двете страни на највисоко политичко ниво.

Лајчак, кој присуствува на Форумот во Преспа, во интервју за ТВ21 додаде дека очекува средбата меѓу српскиот претседател Александар Вучиќ и премиерот на Косово Албин Курти да се одржи „наскоро – пред летните одмори“, пренесува Танјуг. Тој изјави дека сега се работи на имплементација на претходно постигнатите договори кои имаат за цел да ги решат актуелните проблеми и да ги обликуваат идните односи меѓу Белград и Приштина.

„Другото на кое работиме е решавање на актуелните прашања, како што е проблемот со регистарските таблички, кој предизвика сериозна криза во септември. Сакаме да се погрижиме да нема тензии што никому не му требаат. Третата и најважна работа е обликување на идните односи меѓу Србија и Косово и нивна нормализација“, истакна Лајчак.

Share on Facebook

Tweet

Follow us

Save