Србија ќе инвестира 150 милиони евра во површинските рудници за јаглен

Министерката за рударство и енергетика Зорана Михајловиќ денеска изјави дека Србија до крајот на оваа година и следната зима ќе увезува јаглен и струја, а најави стабилизирање на производството на лигнит во Колубара за година и пол.

„Србија увезува струја секој ден, од 10 до 17 проценти од потрошувачката. Ова делумно е поврзано со ремонтите што ги изврши ЕПС, но и со се што се случуваше во електроенергетскиот систем минатиот декември. Имаше колапс и треба време се да се среди“, изјави Михајловиќ за Танјуг.

Таа изјави дека ЕПС мора да инвестира најмалку 150 милиони евра за површинските рудници следната година да произведат доволно количества јаглен.

Share on Facebook

Tweet

Follow us

Save