Средба Макрон – Херцог во Ерусалим

Ние сме посветени да ги надминеме, и посветени сме на уништување на нашите непријатели рече израелскиот претседател Исак Херцог на почетокот на денешната средба со францускиот претседател Емануел Макрон.

По средбата со семејствата на француските жртви на аеродромот во Тел Авив, Макрон му рече на претседателот Исак Херцог во Ерусалим дека Франција стои „рамо до рамо“ со Израел и дека првата цел треба да биде ослободување на заложниците во Газа.

„Сакам да бидете сигурни дека не сте оставени сами во оваа војна против тероризмот“, рече Макрон.

„Наша должност е да се бориме против тероризмот, апсолутно јасно и без ширење на конфликтот“, додаде тој.

Советниците на Макрон рекоа дека, освен солидарноста со Израел, Макрон сака да даде „најоперативни предлози“ за да се спречи ескалација, да се ослободат заложниците, да се гарантира безбедноста на Израел и да се работи на решение со две држави.

Одбивајќи да образложи какви би можеле да бидат тие предлози, советникот на Макрон рече само дека има работи што може да се направат за Израел да не се чувствува осамен во својата борба против тероризмот.

Share on Facebook

Tweet

Follow us

Save