Средното училиште „Панче Арсовски“ доби целосно реновирани спортски терени

Средното училиште на Град Скопје „Панче Арсовски“ по повеќе од 60 години добива целосно реновирани спортски терени, соопштија од Град Скопје.

Новата училишна година учениците ја започнуваат со пристап до новото кошаркарско игралиште, по минатогодишната реконструкција на фудбалскиот терен. Со изградбата на овие терени се заокружува спортскиот комплекс во училиштето кој им овозможува на учениците и наставниот кадар одлични услови за одржување на наставата по физичко воспитување, спортување и рекреирање, информираа надлежните.

Терените изградени по највисоки стандарди, им овозможуваат на младите спортистите кои учествуваат во училишната лига, но и на сите средношколци од училиштето да тренираат и да се надоградуваат, а заедно надворешните спортски терени, фискултурната сала и училишната теретана се пријатно место за дружење и спортување.

Share on Facebook

Tweet

Follow us

Save