Српската Влада го прогласи вторник за Ден на жалост за жртвите од пожарот во Кочани

Владата на Србија на утрешната седница, на предлог на претседателот Александар Вучиќ, ќе го прогласи вторник, 18 март 2025 година за Ден на жалост во Србија поради пожарот во Северна Македонија во кој загинаа најмалку 51 лице, а повеќе од 100 беа повредени.

„(Премиерот) Милош Вучевиќ и претседателот (на Србија) Александар Вучиќ утрово разговараа за трагедијата во Кочани во Северна Македонија, каде што голем број граѓани загинаа во пожар во дискотека, по што беше одлучено 18 март да биде Ден на жалост во Србија“, се вели во соопштението на Владата на Србија, пренесено од Бета.

Најмалку 51 лице загина во дискотека во Кочани во пожар што избувна за време на концерт на познат македонски бенд.

Најголем дел од повредените во пожарот во дискотеката во Кочани, што се случи синоќа, се пренесени во Општата болница во Кочани, каде се уште им е укажана лекарска помош.

Share on Facebook

Tweet

Follow us

Save