Српската министерка за евроинтеграции демантира: Никој не ја тера Србија да избере меѓу Косово и ЕУ

Министерката за евроинтеграции Тања Мишчевиќ изјави дека никој не ја тера Србија да избира меѓу Косово и Европската унија, пренесува N1.

Таа на презентацијата на новото издание на Европскиот весник во Земунската гимназија изјави дека е обврска на Србија да ги нормализира односите со Приштина.

„Нема услови за Косово или ЕУ. Никој не ја принудува Србија на тој начин да ја дефинира својата насока кон Европската унија“, рече таа.

Изразувајќи надеж дека сегашната криза на северот на Косово ќе заврши мирно, таа рече дека оваа криза е всушност еден од „ефектите на неуспехот на дијалогот меѓу Белград и Приштина“.

Таа додаде и дека отворањето на нови поглавја во рамките на евроинтеграциите зависи од многу фактори, но дека не е оптоварена со датумот туку со она што е направено.

„За нас е многу поважно кога ќе почнеме да го затвораме поглавјето“, рече таа и додаде дека многу области сега се на европско ниво и дека тоа е поважно од моментот на влез во Унијата.

Share on Facebook

Tweet

Follow us

Save