ССМ утре ќе постави 21 столче пред Влада, за сите министри по едно

Начелно сметаме дека сме измамени од делот на владата со кои што го преговаравме. За 10 дена е 1 јули и не се случува линеарното покачување од 2806 денари, нема најави. Утре ќе има 21 столче пред владата, колку што е бројот на министри во владата и ќе бараме да го прифатат амандманот од ССМ испратен до сите пратенички групи. Да дојде време да се освестат министрите и да го прифатат амандманот за да им помогнат на работниците, вели претседателот на ССМ, Дарко Димовски.

Тој информира дека амандманот е прифатен од повеќе опозициски партии.

Според Димитров, работниците ќе штрајкуваат се додека немаат ефект од штрајкот.

-Навистина сите треба да се охрабриме како работници. Од утрово имавме само два притисоци околу штрајкот. Масовен е штрајкот, целиот јавен сектор штрајкува, рече Димовски во вестите на ТВ Сител.

Share on Facebook

Tweet

Follow us

Save