Стабилноста, безбедноста и европската перспектива во фокус на разговорот меѓу Муцунски и Пирс

Стабилноста, безбедноста и европската перспектива на Западен Балкан, актуелните регионални предизвици, како и натамошното продлабочување на односите меѓу двете земји во рамките на стратешкото партнерство биле теми на разговор на денешната средба во Њујорк на министерот за надворешна работа и надворешна трговија Тимчо Муцунски со специјалната пратеничка на Обединетото Кралство за Западен Балкан, Карен Пирс.

-Попладнево во Њујорк, на маргините на #UNGA2026, остварив средба со специјалната пратеничка на Обединетото Кралство за Западен Балкан, Карен Пирс. Во фокусот на разговорите беа стабилноста, безбедноста и европската перспектива на Западен Балкан, актуелните регионални предизвици, како и натамошното продлабочување на односите меѓу двете земји во рамките на стратешкото партнерство – објави Муцунски на Фејсбук.

Посебен акцент бил ставен на реформските процеси, јакнењето на демократските институции, владеењето на правото, сојузништвото во НАТО и заедничкиот придонес кон европската и евроатлантската безбедност.

-Разговаравме и за економската соработка, конкретните проекти преку партнерството „влада со влада“ и иницијативите од Берлинскиот процес за поголема регионална поврзаност и економски развој – нагласи Муцунски.

Share on Facebook

Tweet

Follow us

Save