INFOMAX.MK

Бирото за борба против тероризмот на Стејт департментот му се заблагодари на Косово за прогласувањето на Иранската исламска револуционерна гарда (ИРГЦ) за терористичка организација. Бирото ја изрази својата благодарност до Косово за борбата против тероризмот на социјалната мрежа „X“.

„Му благодариме на Косово за борбата против тероризмот и за прогласувањето на ИРГЦ за терористичка организација“, се вели во соопштението на Бирото за борба против тероризмот на Стејт департментот.

We thank Kosovo for standing against terrorism and designating the IRGC as a terrorist organization. https://t.co/aX29dQasVU
— State Dept CT Bureau (@StateDeptCT) April 23, 2026

На 20 април, косовската влада донесе одлука за прогласување на ИРГЦ за терористичка организација на територијата на Косово. Премиерот Албин Курти изјави дека ИРГЦ е идентификувана како структура која го користи тероризмот и организираното насилство како инструмент на надворешната политика, придонесувајќи за регионална и глобална дестабилизација. Според косовскиот министер за надворешни работи Гљаук Коњуфца, одлуката на владата се заснова на принципот: „ние стоиме со нашите сојузници, со демократската безбедност и се спротивставуваме на теророт во сите негови форми“.