Стејт департментот: Се надеваме на договор меѓу Косово и Србија во Брисел

Стејт департментот соопшти дека Соединетите Американски Држави се надеваат дека Косово и Србија во наредните денови ќе постигнат договор за прашањето за регистарските таблички, пренесува Радио Слободна Европа.

„САД се согласуваат со ЕУ дека неодамнешните настани се вознемирувачки и го загрозија важниот напредок постигнат во дијалогот што го води Европската унија“, се вели во писменото соопштение на Стејт департментот.

Исто така, се нагласува дека „сите страни мора да преземат чекори за намалување на тензиите и обезбедување мир и стабилност“.

„Акциите и реториката што ја зголемуваат можноста за насилство ги ставаат невините животи и животите на меѓународните мировници на терен на непотребен ризик“, соопшти Стејт департментот.

Претседателот на Србија Александар Вучиќ и премиерот на Косово Албин Курти треба да се сретнат утре во Брисел, во рамки на дијалогот за нормализација на односите.

Share on Facebook

Tweet

Follow us

Save