Стигна “жолт картон” од Русија: Внимателно ќе ги набљудуваме вежбите на Србија со НАТО!

Русија внимателно ќе ги следи воените вежби „Платинест волк“ во Србија со учество на САД, изјави за новинарите портпаролот на претседателот на Руската Федерација, Дмитриј Песков.
Во средата, српското Министерство за одбрана изјави за РИА „Новости“ дека армијата ќе ги спроведе вежбите „Платинест волк“ со државите партнери на 16-30 јуни за да постигне ниво на интероперабилност во мултинационалните операции. Министерството нагласи дека одлуката на српската влада од 27 февруари 2022 година, „со која се запираат и одложуваат сите дејствија во врска со вежбите со странски партнери“, се уште е на сила.

„Што се однесува до споменатите вежби, ние сигурно ќе ги следиме многу внимателно“, рече Песков.

Претседателскиот портпарол за медиумите истакна дека не престануваат обидите да се убеди Србија да заземе антируска позиција.
„Постојано се прават обиди Србија да се придобие на страната на оние кои заземаат антируска позиција. Знаеме дека Белград е под страшен притисок, притисок без преседан“, рече Песков, одговарајќи на прашањето дали Русија е загрижена за позицијата на Србија за спроведување на воени вежби со САД и дали Кремљ верува дека се обидуваат да ја придобијат Србија на страната на антируската позиција.

Share on Facebook

Tweet

Follow us

Save