Столтенберг: Важно е да се намалат тензиите во Косово, остануваме посветени на мандатот на ОН

Важно е да се намалат тензиите на Косово и тоа е задача и одговорност на двете страни и затоа НАТО продолжува со напорите во рамките на дијалогот со посредство на ЕУ за намалување на тензиите, изјави денеска генералниот секретар на НАТО, Јенс Столтенберг.

„Се разбира, ние остануваме посветени на мандатот на ОН. Го зголемивме и нашето присуство, единиците на КФОР во Косово, како одраз на зголемените тензии што ги видовме во последните недели. Она што НАТО го прави на Косово е непристрасно, засновано на мандатот на ОН, а нашето присуство таму е да обезбедиме слободно движење на луѓето од сите заедници“, рече Столтенберг.

На заедничката прес-конференција со претседателот на Црна Гора, Јаков Милатовиќ, тој ги повика двете страни „добронамерно да се вклучат во дијалог“ и да се воздржат од еднострани дејствија што можат дополнително да ја ескалираат ситуацијата на Косово.

Share on Facebook

Tweet

Follow us

Save