Столтенберг: НАТО масовно ќе го зголеми бројот на своите воени сили

НАТО масовно ќе го зголеми бројот на своите воени сили со над 300.000, изјави во понеделникот генералниот секретар Јенс Столтенберг.

„Ќе ги трансформираме силите за одговор на НАТО и ќе го зголемиме бројот на нашите сили за висока готовност на над 300.000“, им рече тој на новинарите пред самитот на НАТО во Мадрид подоцна оваа недела во Мадрид.

На самитот во Мадрид, НАТО ќе го смени ставот за Русија кој во последната стратегија на алијансата од 2010 година сè уште беше опишан како стратешки партнер.

„Тоа нема да биде случај во стратешкиот концепт што ќе го договориме во Мадрид“, рече Столтенберг.

„Очекувам дека сојузниците јасно ќе кажат дека Русија претставува директна закана за нашата безбедност, за нашите вредности, за меѓународниот поредок заснован на правила“.

Share on Facebook

Tweet

Follow us

Save