Столтенберг: НАТО нема намера да распоредува војници во Украина

НАТО верува дека е можно да се постигне договор со Русија доколку таа не одлучи да употреби воена сила, изјави Јенс Столтенберг.

НАТО сè уште не е свесен за намерите на Русија во однос на Украина и ќе донесе одлуки во зависност од ситуацијата, рече тој.

Генералниот секретар на НАТО денеска учествува на онлајн настанот на Атлантскиот совет „Front Page“. Настанот е посветен на одговорот на НАТО на актуелната безбедносна ситуација во Европа. Ова се случува на позадината на континуираните тензии меѓу Русија и НАТО околу Украина.

Столтеберг призна дека меѓу сојузниците има несогласување за тоа каква помош ќе и биде пружена на Украина, додавајќи дека НАТО не планира да распореди борбени групи во Украина.

Во средата навечер, Русија доби писмени одговори од САД и НАТО на предлозите за безбедносни гаранции, кои ги изнесе минатиот месец во обид да ги деескалира тензиите со Западот околу Украина. Како одговор, НАТО го отфрли повикот на Русија да ја спречи Украина и другите поранешни советски републики да пристапат кон Алијансата и ја потврди својата „политика на отворени врати“, според која секоја одлука за проширување на алијансата мора да биде „едногласна“.

Рускиот министер за надворешни работи Сергеј Лавров изјави дека Москва ги разгледува одговорите и дека следниот чекор на Русија ќе го одреди претседателот Владимир Путин.

Share on Facebook

Tweet

Follow us

Save