Столтенберг: Приштина и Белград да се воздржат од дејствија кои водат кон ескалација!

Генералниот секретар на НАТО, Јенс Столтенберг денеска изјави дека е неопходно и Приштина и Белград да се воздржат од дејствија кои би можеле да доведат до натамошна ескалација и да се вратат на дијалогот под покровителство на Европската унија.
Столтенберг на прес-конференцијата истакна дека трупите на НАТО во Косово неодамна се засилени со неколку стотици војници од Италија, Бугарија, Романија и Велика Британија.

„Сè уште има тензии, тоа е тешка ситуација, многу внимателно ја следиме и го зајакнуваме нашето присуство, особено на север. Главната порака е дека двете страни – Белград и Приштина треба да се воздржат од дејствија кои можат да доведат до понатамошни ескалација и да се воздржиме од запалива реторика“, рече Столтенберг.

Како што вели, неопходно е и Белград и Приштина да се вратат на дијалогот под покровителство на ЕУ.

„Мислам дека тоа е исто така важна порака – да се види како ЕУ и НАТО работат рака под рака и како зголемените трупи на НАТО во Косово ги поддржуваат зголемените дипломатски напори на ЕУ“, рече Столтенберг.

Share on Facebook

Tweet

Follow us

Save