Странец се обидел да изнесе 100 илјади евра од Македонија, Царината му ги заплени парите

Царинската управа информираше дека царинските службеници од царинската испостава Аеродром спречиле обид за нелегално изнесување на девизи и заплениле 90.000 евра по извршена контрола на патникот Х.А. кој патувал на релација Скопје – Цирих.

„Патникот, инаку странски државјанин, на Меѓународниот аеродром Скопје се пријавил со само еден сив куфер, по што се упатил на излез од Република Македонија и не пријавил ништо за царинска контрола. При контрола на патникот од страна на царински службеник, во предните и задните џебови се пронајдени 100 илјади евра кои не биле пријавени, со што е сторен прекршок по член 56-в став 2 од Законот за девизно работење“, се вели во соопштението од Царинската управа.

Согласно Законот вратени му се 10 илјади евра, а останатите 90 илјади евра за кои не поседувал документ се привремено задржани. Против лицето е поднесена пријава за девизен прекршок до надлежниот суд.

Share on Facebook

Tweet

Follow us

Save