Страшна несреќа во Охрид: Товар од камион паднал врз тројца работници

Тројца работници од охридското јавно претпријатие Проаква се повредени откако врз нив паднал товар кој го превезувал камион управуван од 60-годишен охриѓанец. Во инцидентот е оштетено и приватно моторно возило кое било паркирано на таа улица.

Вчера во СВР Охрид е пријавено дека во 08.40 часот на улицата „15 корпус” во Охрид, од товарно моторно возило „Ман” со охридски регистарски ознаки, управувано од А.Б.(60) од Охрид, испаднал дел од товарот што го превезувал врз паркирано возило „Шкода Ромстер” со охридски регистарски ознаки,  а потоа врз А.К.(39), У.А.(55) и М.Н.(50), сите од Охрид, вработени во ЈП „Проаква”, кои тука изведувале градежни работи, соопшти СВР Охрид.

Од таму наведуваат дека повредените се пренесени во болницата „Св.Еразмо” во Охрид каде е констатирано дека А.К. и У.А. се здобиле со телесни повреди, додека М.Н. се здобил со тешки телесни повреди.

На местото на несреќата увид извршила екипи од СВР Охрид.

Share on Facebook

Tweet

Follow us

Save