Страшна несреќа во Србија: Мајка се обидела да ја запре количката со бебето, ја удрил камион и загинала

Ужасна несреќа се случила денеска во српскиот град Лучани, каде 32-годишна жена и мајка загинала откако ја удрил камион, јавуваат српските медиуми.

Бизарниот инцидент се случил околу 15 часот, кога жената го шетала нејзиното бебе во количка на тротоар во центарот на градот. Во еден момент, се откачило и паднало едно од тркалата на бебешката количка, а жената инстиктивно тргнала напред за да го задржи детето. Но, тогаш таа ја загубила рамнотежата и паднала на коловозот, а токму во тој момент налетал градежен камион кој ја прегазил, пишуваат медиумите.

„Ова е хорор, што се случи. Така коцките да се поклопат, баш во тој момент тркалото паѓа и жената умира. За камионџијата не можеме да кажеме ништо, видовме дека возеше многу бавно“, велат очевидците.

Детето на настраданата жена не е повредено.

Share on Facebook

Tweet

Follow us

Save