Страшно: 24-годишник со зоља разнел објект во Србија

Инспекторите на криминалистичката полиција со брза реакција и оперативна работа успеаја да го расветлат инцидентот во Платичево кај Рума и го уапсија П.Н. (24), поради сомнение дека со проектил “Зоља” разнел напуштен објект во близина на железничката станица на тоа место.

Уапсен е и М.П. (40) кој му продал ракетен фрлач.

Наводно, П.Н на инспекторите им признал дека купил зоља од познаник за 2.000 динари.

-Рече дека немал намера никого да повреди. Слушнал дека човек продава зоља, го контактирал и купил ракетен фрлач за две илјади динари – вели добро информиран извор, за српски Курир.

Тој напоменува дека П.Н во полиција го открил идентитетот на лицето од кое го купил оружјето, по што е уапсен и М.П.

Да потсетиме, во четвртокот полицијата во Рума добила анонимна дојава дека непознато машко лице испукало проектил од ракетен фрлач кон напуштен објект во Рума. Силна експлозија одекнала околу 14 часот, а напаѓачот набрзо бил уапсен.

Извор

Share on Facebook

Tweet

Follow us

Save