Струмица добива „Безбеден град“

По средбата меѓу директорот на Бирото за јавна безбедност Александар Јанев и градоначалникот Петар Јанков беше соопштено дека се планира имплементација на проектот во Струмица до крајот на годината.

Тоа значи дека Струмица засега е во фаза на најава, а не на веќе активен систем. Во моментов „Безбеден град“ официјално е пуштен во работа во три града, Скопје, Куманово и Тетово, како и на коридорите 8 и 10, од каде МВР веќе ги бележи првите поголеми серии регистрирани прекршоци.

Потсетување на тоа колку брзо расте обемот на санкционирани прекршоци дојде и на почетокот на месецов. Како што објави Трн, во март преку системот биле регистрирани 26.241 сообраќаен прекршок, што е за 7.175 повеќе отколку во февруари, кога биле евидентирани 19.066. Најголем дел и во двата месеца се однесувале на брзо возење.

Share on Facebook

Tweet

Follow us

Save