Студени утра, сончеви денови: Временска прогноза за следниве денови

Метеоролозите најавуваат ведро и студено утро, по што во текот на денот времето ќе биде сончево со мала до умерена облачност. Ќе дува слаб до умерен ветер од северен правец.

Минималните утрински температури ќе се движат од -2 степени во Берово до 8 степени во Гевгелија, додека максималните дневни температури ќе достигнат од 17 степени во Маврово до 26 степени во Гевгелија.

Во Скопје ќе биде сончево, со слаб до умерен ветер од северен правец. Температурата ќе се движи од 4 до 25 степени.

Во сабота утрото ќе биде ведро и студено, а во текот на денот ќе преовладува сончево време. Ќе дува слаб до умерен ветер од северен правец.

Минималните утрински температури ќе се движат од -2 до 9 степени, додека максималните дневни ќе бидат во интервал од 18 до 26 степени.

Според прогнозата на УХМР, и во наредниот период се очекува ведро и студено утро, а преку денот сончево време со слаб до умерен ветер од северен правец.

Минималните температури ќе се движат од -2 до 8 степени, додека максималните дневни ќе достигнат од 20 до 27 степени.

Share on Facebook

Tweet

Follow us

Save