Студентите во Србија најавуваат голема акција за собирање потписи за предвремени избори

Студентите кои учествуваат во блокадите низ цела Србија за утре, 28 декември, најавија голема акција за собирање потписи од граѓани за распишување предвремени парламентарни избори, објави Н1 Србија.

Како дел од иницијативата наречена „Прогласи победа“, низ целата земја ќе бидат поставени повеќе од 400 штандови во над 100 општини, каде што граѓаните ќе можат да ги поддржат барањата на студентите.

Список на локации и точни времиња на собирот може да се најде на веб-страницата studenti.org.rs/raspisi. Студентите нагласија дека редовно ја ажурираат веб-страницата, па затоа граѓаните се поканети да ја следат за најнови информации.

„Дојдете и заедно да прогласиме победа! Потпишете ја одлуката! Бидете контролор. Учествувајте во подигањето на свеста во вашата област. Од недела продолжуваме заедно!“,стои во објавата на студентите.

За потсетување, Н1 претходно овој месец објави дека студентите собираат потписи со иста цел – повикување на предвремени парламентарни избори.

Share on Facebook

Tweet

Follow us

Save