Студентите изгласаа блокирање на Државниот универзитет во Нови Пазар

Студентскиот пленум на Државниот универзитет во Нови Пазар денеска едногласно изгласа блокирање на високообразовната институција. На овој чекор се решиле откако раководството на Универзитетот не им ги отворило вратите и не им дозволило да влезат во просториите на факултетот.

Неколку стотици граѓани се собраа пред Универзитетот, аплаудираа и скандираа во знак на поддршка на студентите, барајќи да им се дозволи влез во зградата.
Студенти и граѓани претходно им оддадоа почит на жртвите во Нови Сад, како и на студентот од Нови Пазар кој беше прегазен на пешачки премин во Белград.

Share on Facebook

Tweet

Follow us

Save