Судскиот совет ќе превенира и открива корупција во судството преку антикорупциска програма
Судскиот совет на денешната седница ја усвои Програмата со акционен план за превенција и следење на корупцијата во судството која треба да придонесе намалување на корупцијата, да го подобри интегритетот на судиите, транспаретноста и отчетноста, а со тоа да се обезбеди повисока доверба кај јавноста во судскиот систем.
Компетативен, правичен, ефективен и непрестрасен судски систем, независен од политички влијанија, е суштинска основа во борбата против корупцијата во судството. Програмата овозможува механизмите за превенција, откривање и санкционирање на корупцијата, како и детектирањето на неетичкото однесување во судството, да бидат функционални.
Судскиот совет е насочен кон превземање низа мерки и активности за справување со корупцијата во судството, а со оваа Програма ќе се засилат обидите за навремена превенција. Затоа Програмата има утврдено повеќе цели со кои ќе се воспостави ефикасен систем за борба против корупцијата во судството: зголемување на нивото на одговорност; јакнење на интегритетот на судиите и судската служба преку систем на вредности и критериуми за квалитет; спроведување на надлежностите на Судскиот совет на законски, транспарентен, одговорен и ефективен начин; поддршка на дигитализацијата во судството; мотивирање на граѓаните да пријавуваат корупција; јакнење на отпорноста од корупција во судството, градење личен и професионален интегритет; активно учевствување во елиминација на факторите кои придонесуваат за лоша перцепција кај јавноста во врска со корупцијата; развивање отчетност за јавните набавки и планирањето и трошењето на парите; елиминирање на коруптивни активности при вработување.
Преку Програмата со акционен план за превенција и следење на корупцијата Судскиот совет започнува со нова антикорупциска политика чии резултати несомнено ќе придонесат кон владеење на правото, создавање на правна држава и суштинското- враќање на довербата кај граѓаните во судството.
ПОВРЗАНИ ВЕСТИ
Македонките се мажат најмлади во регионот, на…
Жените во Македонија најмлади стапуваат во брак…
ЌЕ МОЖЕ ДА СЕ ГЛАСА И СО…
Пратениците денеска го изгласаа Изборниот законик, со…
Исчезна 14-годишната Ринеса: Ако имате било каква…
Новинарот Фуркан Салиу, објави дека е исчезнато…
Европскиот план за развој на Западен Балкан…
САД ја поддржуваат ЕУ во намерата да…
Пендаровски-Османи: Заеднички напори за стабилност во регионот
Претседателот Стево Пендаровски денеска во Приштина, во…