Тате советник, бате началник, синот министер, непотизмот царува во Владата на Мицкоски, според СДСМ

Непотизмот е раширен во владата на Мицкоски, семејните и партиските стебла се единствен критериум за избор и вработување на високи позиции, нема мерит систем, нема ништо, велат од СДСМ.

Класичен пример, како што додадваат е семејството Андоновски.

„Стефан Андоновски ВМРО-ДПМНЕ го постави за министер за дигитална трансформација. Неговиот татко, Љупчо Андоновски е поставен за советник во Влада а неговиот брат, Игор Андоновски е поставен за началник во АНБ.

Тате советник, бате началник, синот министер, сите на државни позиции и на грбот на народот.

Додека илјадници млади и способни граѓани ја напуштаат државата во потрага по работа, држаните функции се резервирани само за роднините на актуелните и поранешните функционери на ДПМНЕ“.

Со ДПМНЕ на власт, Македонија е држава на непотизам, судир на интереси и неправди, додаваат од опозициската партија.

Share on Facebook

Tweet

Follow us

Save