55 кинески борбени авиони забележани околу Тајван

Десетици кинески борбени авиони се забележани во последните 24 часа околу Тајван, соопшти денеска Министерството за одбрана во Тајпеј.
Властите на островот апелираа до Пекинг да престане со своите „провокативни акции“.

Кина подигна 55 авиони, се вели во соопштението на Министерството, додавајќи дека седум воени бродови пловеле околу островот.

Новите авиони беа забележани еден ден откако кинеската војска испрати 103 воени авиони кон Тајван во рок од 24 часа.

Тајванското Министерство за одбрана соопшти дека тоа е „неодамнешен дневен рекорд“.

Минатата недела Кина испрати поморска формација предводена од носачот на авиони Шандонг во југоисточен Тајван.

Share on Facebook

Tweet

Follow us

Save