Телата на загинатите руски војници се складираат во ладни возови

Една од мрачните реалности на војната е справувањето со телата на загинатите во конфликтот – а тоа ги вклучува и руските војници.

Ројтерс ја раскажува приказната за специјализираните ладни возови со ладилници кои Украина ги користи за складирање на мртвите.

„Во овој фрижидерски воз се чуваат неколку стотици тела на руски окупатори. Повеќето од нив биле донесени од регионот на Киев, има и од регионот Чернихив, а исто така и од некои други региони“, изјави официјален претставник за новинската агенција.

Володимер Лајамзин, задолжен за цивилно-воена соработка, рече дека телата се складираат на овој начин за на крајот да бидат вратени во нивната татковина.

„Според нормите на меѓународното хуманитарно право, а Украина строго ги следи, по завршувањето на активната фаза на конфликтот, страните треба да ги вратат телата на војската на друга земја“, рече тој.

Има неколку такви возови низ целата земја, додаде тој.

Share on Facebook

Tweet

Follow us

Save