Тело на маж пронајдено во автомобил во канал во Хрватска, бил активиран експлозивен уред

Мртов маж бил пронајден во автомобил, кој се наоѓал во каналот покрај патот Будровци-Ѓурѓанци. Како што јавуваат хрватските медиуми телото е пронајдено утрово, по повик од граѓани.

-Утрово во 6 часот и 15 минути добивме пријава дека во каналот меѓу Будровац и Ѓурѓанаци има возило. Кога полициските службеници пристигнале на местото на настанот пронашле возило во кое имало мртов маж. На местото на настанот ќе следи увид. Државниот пат е затворен за сообраќај, се наведува во соопштението на ПУ Осиек-Барања, а по спроведената истрага издадоа ново соопштение.

– Во истрагата спроведена од полициски службеници на Полициската управа Осиек-Барања, во соработка со заменик жупанискиот државен обвинител во Осиек и полицискиот службеник за антиексплозивна заштита на Регионалната антиексплозивна единица Осиек, утврдено е дека непознат експлозивен уред бил активиран во возилото. Телото на починатиот е пренесено на обдукција. Продолжува натамошната кривична истрага за да се утврдат сите околности на споменатиот настан, за што по завршување навремено ќе ја информираме јавноста, објави полицијата.

Share on Facebook

Tweet

Follow us

Save