Температури и над 40 степени: Македонија ќе гори до среда, кога се очекува стабилизирање

Македонија влегува во период на екстремно високи температури, а според најавите во делови од земјата живата во термометарот ќе надмине 40 степени. Следните неколку дена ќе преовладува сончево и многу топло време, со особено изразен ефект на жештина во котлините и урбаните средини.

Најтопло се очекува да биде на почетокот на следната недела, кога температурите ќе го достигнат својот максимум. Потоа се прогнозира постепена промена на временските услови, со намалување на температурите и посвежо време од средината на неделата.

Надлежните апелираат граѓаните да избегнуваат подолг престој на сонце во најтоплиот дел од денот, да внесуваат повеќе течности и да бидат особено внимателни со повозрасните лица и хронично болните. Метеоролозите предупредуваат дека топлотниот бран ќе биде еден од најинтензивните ова лето, поради што се препорачува почитување на сите мерки за заштита од високите температури.

Share on Facebook

Tweet

Follow us

Save