Тензија во Русија: САД би можеле да спроведат нуклеарни тестови

Постои можност САД да спроведат целосни нуклеарни тестови, изјави за руските медиуми Михаил Улјанов, постојан претставник на Русија во меѓународните организации во Виена. „Постојат две опции. Првата е дека тие (САД) ќе го сторат тоа тивко, не би го исклучил.

Но, сосема е можно тие всушност да спроведат вистински нуклеарен тест“, забележа дипломатот. Во секој случај, има многу влијателни луѓе во Републиканската партија кои ја поддржуваат таквата одлука, заклучи Улјанов. Русија треба да биде подготвена во случај САД да продолжат со нуклеарните тестови, изјави за „Спутник“ рускиот амбасадор во ОН, Василиј Небензја.

Рускиот претседател Владимир Путин претседаваше со состанок на Советот за безбедност на Русија минатата недела. За време на состанокот, министерот за одбрана Андреј Белошов рече дека смета дека е целисходно да се започнат подготовките за продолжување на нуклеарните тестови на полигонот „Новаја Земја“.

Путин нареди собирање информации, анализа и евентуален почеток на подготовките за тестирање на нуклеарно оружје. Според портпаролката на руското Министерство за надворешни работи, Марија Захарова, руските институции внимателно ги следат активностите на САД и другите земји во нуклеарната сфера. „Ова важи и за тестирањето на стратешко офанзивно оружје во американскиот арсенал“, рече таа. Претходно, американскиот лидер објави дека наредил тестирањето на нуклеарното оружје да се спроведува „на рамноправна основа“ со другите земји кои наводно имаат програми за нуклеарно оружје.

Share on Facebook

Tweet

Follow us

Save