Тепачка меѓу навивачите на Работнички и МЗТ во Аеродром, има повредени

Физичка пресметка меѓу навивачките групи „Сити Парк Бојс“ и „Фемили“ се случила вечерва пред спортскиот центар „Јане Сандански“ во скопската населба Аеродром. Во инцидентот има повредени лица, објави SportSport.mk.

Според информациите на порталот, навивачите на „Сити Парк Бојс“ дошле да го бодрат Работнички на натпреварот против Скопје, но непосредно пред почетокот на средбата биле пресретнати од навивачите на МЗТ Скопје, „Фемили“.

Двете групи физички се пресметале, при што имало и посериозно повредени лица. На местото пристигнале екипи на Брзата помош, кои ги пренеле повредените во Ургентниот центар, како и поголем број полициски службеници.

Според истиот извор, по инцидентот во салата било засилено обезбедувањето.

Претходно, видеоснимки од пресметката се појавија во медиумите и на социјалните мрежи. Засега нема официјални информации од МВР за бројот на повредени и околностите под кои се случила пресметката.

Share on Facebook

Tweet

Follow us

Save