Тепачот од Чаир бил вработен во клубот како – фоторепортер!

Големиот инцидент на синоќешниот меч помеѓу Чаир 2030 и Работнички, кој беше прекинат поради ужасен физички напад врз гостинскиот кошаркар Ерик Нотиџ, денеска беше потврден и од Министерството за внатрешни работи (МВР).

Според полицијата, хулиганот што со боксови го удираше бекот на центарци всушност бил вработен во клубот и тоа како – фоторепортер.

„Синоќа во 20:30 часот во СВР Скопје било пријавено дека во спортска сала „Шабан Трстена“ на подрачје на Чаир, за време на одигрување на кошаркарски натпревар помеѓу КК „Чаир“ и КК „Работнички“, вработен како фоторепортер во кошаркарскиот клуб „Чаир“ влегол на теренот и физички нападнал кошаркар на гостинскиот клуб. Се преземаат мерки за расчистување на случајот“, се вели во билтенот на МВР.

Казна за Чаир 2030 секако ќе има и од КФМ и тоа парично, но и со суспензија на салата најмалку на три-четири средби. Работнички мечот ќе го добие со службени со 20-0, а чаирчани нема да го добијат бодот наменет за поразениот тим.

Извор: sport1.mk

Share on Facebook

Tweet

Follow us

Save