Тетовската пожарна со две интервенции во првите два дена од новата година

Тетовските пожарникари во првите два дена од оваа година се соочија со два пожари на двата најголеми булевари. 

На 1 јануари, околу 40-тина минути по полноќ пожар избувна во просториите на поранешното претријатие за јавен превоз „Полет”.

– Кога сите се радуваа на Новата година, за нас работно почна годината со овој пожар. Веднаш беше ставен под контрола и целосно локализиран. Девет пожарникари спречија поголема катастрофа, изјави Ука Алити, командант на тетовската пожарна.

Вчера околу 17 часот и 40 минути на булеварот „Маршал Тито” започнал пожар во возило во движење.

– Пожарот избувнал во „фолксваген голф” со тетовски регистарски ознаки, управувано од Б.Б.(29) од тетовско Селце. Нема повредени лица. Со интервенција на тетовската Територијална противпожарна единица пожарот целосно е локализиран, информираат од полицијата.

Увид извршила екипа од СВР Тетово.

Share on Facebook

Tweet

Follow us

Save