Техеран објави дека формира четири работни групи со САД за иранската нуклеарна програма

Техничките разговори во Швајцарија, дел од преговорите меѓу САД и Иран, завршија со создавање работни групи за испитување на нуклеарната програма на Иран и укинување на санкциите, изјави висок ирански функционер за иранската новинска агенција ИРНА, цитиран и од агенцијата Франс-прес, пренесува БТА.

„Како резултат на консултациите, кои се продолжение на разговорите во неделата, беше одлучено да се создадат четири работни групи за испитување на укинување на санкциите, нуклеарната програма, реконструкцијата на Иран и економскиот развој. Ќе се формира и помошна група“, изјави за ИРНА иранскиот заменик-министер за надворешни работи, Казем Гарибабади, кој е и експерт за правни прашања.

Share on Facebook

Tweet

Follow us

Save