Толку од летото во октомври: На повидок прв поларен бран во Европа – ни следува големо заладување

Од овој викенд, како и во првите денови од следната седмица се очекува прво спуштање на поларниот вртлог во Европа, и истиот ќе ги зафати источните и североисточните предели од континентот. Ова ќе услови драстично заладување, но локално ќе има и снег и на некои пониски места. Температурите понекаде ќе се спуштат дури и под
нулата.

Кај нас продолжуваат натпросечно високите температури на воздухот, краткотраен пад на истите се очекува во понеделник, но потоа повторно продолжува така нареченото „Мини лето“.

Сепак наутро ќе биде доста свежо. Ако вака останат работите, поларниот вртлог кај нас ќе стигне во втората половина на овој месец, кога го очекуваме и првиот снег на планините. Сепак промени во прогностичките модели и понатаму ќе има.

До тогаш уживајте во убавото време и во Мини летото, за Порта.мк пишува Славчо Попоски.

Share on Facebook

Tweet

Follow us

Save