Томовски останува во Вардар

Марин Томовски (25), голманот на РК Вардар 1961, реши да остане во клубот и да си го доработи договорот кој му истекува со крајот на идната сезона.

Откако настана познатата ситуација со исклучувањето на Вардар од Лигата на шампионите за претстојната сезона од страна на ЕХФ, дилемата беше дали репрезентативниот голман ќе остане во Вардар или ќе побара нова средина каде ќе може низ европски натпревари да ги искористи своите вредности.

– Останувам во клубот. Потполно сум сигурен во тоа. Од понеделник почнуваат подготовките. Ќе може да ги одредиме и целите за идната сезона. Но сигурно ќе бидат одбрана на двете титули, во Првенството и во Купот. Пред тоа ни следува и Суперкупот. Ќе сакаме и него да го освоиме – вели Томовски.
Неговиот договор со Вардар е една плус една година и му останува уште една сезона да го доработи.

– Имав и други понуди за идната сезона. Интерес покажаа и други клубови, но не ги задоволуваа моите критериуми. Вардар минува низ тешки моменти, но решив да бидам дел од тоа и да си го одработам договорот до крај – изјави Томовски.

Share on Facebook

Tweet

Follow us

Save