Трагедија во Кенија: Се урна авион, загинаа сите патници

Кениската авиокомпанија „Момбаса Ер Сафари“ соопшти дека 11 лица го загубиле животот во авионска несреќа што се случи денес, меѓу кои осум унгарски државјани, двајца германски патници и еден член на кенискиот екипаж.

Авиокомпанијата е специјализирана за туристички и чартер летови во Источна Африка, објави „Ројтерс“.

Локалните власти и спасувачките екипи работат на пронаоѓање на телата и утврдување на причините за несреќата. Управата за цивилно воздухопловство на Кенија (KCAA) започна истрага за инцидентот. Сè уште не е објавено точно местото на уривањето на авионот ниту околностите под кои се случила трагедијата.

Според потврдените информации од KCAA, авионот со регистрациски број 5Y-CCA, кој летал од Диани кон Кичва Темба, се урнал во 5:30 часот по локално време.

Share on Facebook

Tweet

Follow us

Save