Трагедија во Романија: Тригодишно дете паднало од 5. кат, додека мајка му била во продавница

Страшната глетка пред зградата ја забележале соседите кои веднаш повикале полиција и брза помош.

Детето, според извештаите, останало дома „само неколку минути“ додека мајката била во продавницата. За тоа време се качил на прозорецот и паднал од 5-ти кат од зградата.

Прв на помош му дошол сосед од соседниот влез, а по само 3,4 минути од неговиот повик пристигнала полиција и брза помош.

„Излегов до прозорецот да видам какво е времето надвор, бидејќи таму ми виси термостатот, а видов дете кое изгледаше како да паднало од станот“, раскажува соседот.

Мажот веднаш повикал брза помош и притрчал кон повреденото дете.

„Имам внуци на негова возраст, ова ме погоди“, изјавил сосед за Обсервер.

Набргу по немилиот настан, мајката пристигнала пред зградата и го видела своето дете како лежи на тротоарот.

„Слушнав крик, плач, после тоа дознав дека детето паднало од 5-ти кат“, рекол случаен минувач.

Момчето било реанимирано и веднаш во тешка состојба е префрлено во Педијатриската болница.

„Пациентот е во кома, интубиран и на механичка вентилација, но стабилен. Во овој момент не можеме да дадеме прогноза“, велат од болницата.

Полицијата отворила истрага за да се утврди како точно дошло до трагедијата.

Share on Facebook

Tweet

Follow us

Save