Трамп: Америка и Русија разговараат за големи економски проекти

САД и Русија разговараат за „големи економски проекти“ како дел од преговорите за Украина, објави американскиот претседател Доналд Трамп.
„Сериозно разговарам со Путин за крајот на војната, како и за големите проекти кои се однесуваат на економскиот развој што ќе ги склучат САД и Русија. Преговорите се одвиваат многу добро“, напиша американскиот претседател на социјалната мрежа Истина.
Трамп се осврна и на средбата на шефовите на држави на Групата седум, која се одржа преку видео конференција.

„Сите тие рекоа дека целта им е да се стави крај на војната. Ја нагласив важноста на Договорот за критични минерали и ретки елементи меѓу Соединетите држави и Украина, кој се надеваме дека ќе биде потпишан многу брзо! Овој договор, кој претставува економско партнерство, обезбедува компензација на американскиот народ за десетици милијарди долари и воена опрема што се испорачани Украина ќе и помогне на украинската економија да расте, бидејќи оваа ужасна војна се ближи кон крајот“, истакна тој.

Претседателите на Русија и на САД, Владимир Путин и Доналд Трамп на 12 февруари одржаа телефонски разговор кој траеше речиси час и половина. Според портпаролот на Кремљ, Дмитриј Песков, лидерите разговарале за размена на руски и американски граѓани, како и за решавање на ситуацијата во Украина. Тој посочи дека Вашингтон е главниот пандан на Москва во решавањето на ситуацијата во Украина.

Share on Facebook

Tweet

Follow us

Save