Трамп го назначи Ендрју Пуздер за американски амбасадор во ЕУ

Претседателот на Соединетите Американски Држави, Доналд Трамп, го назначи Ендрју Пуздер, поранешен извршен директор на синџир ресторани за брза храна, за нов американски амбасадор во Европската унија, пишува Спутник.
Трамп го пофали Пуздер како „успешен адвокат, бизнисмен и економски коментатор“ на социјалната мрежа „Truth Social“.

Пуздер во 2017 година беше номиниран за министер за труд, но не ја доби министерската функција поради обвинувања за злоупотреба на сопругата, пишува Политико.

Иако Пуздер беше првиот избор на Трамп за секретар за труд пред речиси осум години, неговата номинација беше повлечена откако Политико ја откри снимката од појавувањето на Опра Винфри во 1990 година, на која беше прикажана поранешната сопруга на Пуздер, Лиза Фирстин, која тврди дека била жртва на насилство.

Пуздер ги негираше обвинувањата, а Фирстин подоцна ги повлече своите тврдења, велејќи дека тоа е нејзина тактика околу разводот.

Share on Facebook

Tweet

Follow us

Save