Трамп го објави проектот „Слобода“: Операција за придружба на бродовите низ Ормутскиот теснец ќе започне во понеделник

САД ќе започнат операција за придружба низ Ормутскиот теснец во понеделник наутро, објави американскиот претседател Доналд Трамп. Тој, исто така, вети дека американската војска ќе употреби сила доколку некој се обиде да се меша во овој „хуманитарен процес“.

„Земјите ширум светот, од кои речиси ниту една не е вклучена во спорот на Блискиот Исток што се одвива толку видливо и насилно, им се обратија на Соединетите Американски Држави прашувајќи дали можеме да помогнеме во ослободувањето на нивните бродови што се блокирани во Ормутскиот теснец, во ситуација со која тие немаат никаква врска – тие се само неутрални и невини минувачи“, напиша Трамп на Truth social.

Во интерес на Иран, Блискиот Исток и САД, ги информиравме овие земји дека безбедно ќе ги отстраниме нивните бродови од овие води за да можат да продолжат со својата работа без пречки, рече американскиот претседател. „Повторно, ова се бродови од делови од светот кои не се вклучени на никаков начин во актуелните настани на Блискиот Исток. Им наложив на моите претставници да ги информираат дека ќе вложиме максимални напори за безбедно да ги изнесеме нивните бродови и екипажи од Ормутскиот теснец. Во сите случаи, тие рекоа дека нема да се вратат сè додека областа не биде безбедна за навигација и сè друго. Овој процес, „Проект Слобода“, ќе започне во понеделник наутро по блискоисточно време“, рече Трамп.

Тој додаде дека е целосно свесен дека неговите претставници водат многу позитивни разговори со Иран и дека овие разговори би можеле да доведат до нешто многу позитивно за сите. „Движењето на бродовите има за цел да ослободи луѓе, компании и нации кои не направиле ништо лошо – тие се жртви на околностите. Ова е хуманитарен гест во име на Соединетите Американски Држави, земјите од Блискиот Исток, а особено Иран.

„Многу од овие бродови се оставени без храна и сè друго потребно за да се одржат големите екипажи на бродот во здрави и санитарни услови. Верувам дека ова би можело значително да придонесе за демонстрирање на добра волја од страна на сите кои беа во жесток конфликт во последните месеци.“ „Доколку овој хуманитарен процес биде попречен на кој било начин, за жал, со таквата опструкција ќе мора решително да се справиме“, заклучи Доналд Трамп.

Share on Facebook

Tweet

Follow us

Save