Трамп на Ирците им вети дека ќе ги укине царините за нивното виски

Американскиот претседател Доналд Трамп, денеска, на крајот од дводневната посета на Ирска, објави дека ќе ги укине американските царини за ирското виски, пренесе Си-ен-ен.

Толпата со аплауз ја поздрави јавата на американскиот претседател за време на церемонијата на доделување награди на Ирскиот Опен во голф-ресортот Дунбег во округот Клер.

Тој изјави дека разговарал за царините за виски со ирскиот премиер Мајкл Мартин и голферот Лоури.

„Ме прашува дали ќе ми направите услуга? Неправедно е што се случува. Можете ли некако да ги отстраните царините за ирското виски и јас реков дека во име на Соединетите Американски Држави ќе ги отстранам царините за ирското виски“, рече Трамп.

Вискито произведено во Ирска увезено во САД подлежи на царина од 10 отсто.

Ирското здружение за виски соопшти дека „од срце ја поздравува“ најавата на Трамп.

Share on Facebook

Tweet

Follow us

Save