Трамп: Некој лош човек им го даде на Русите нашиот проект за хиперсонично оружје

Американскиот претседател Доналд Трамп изјави дека Русија наводно го „украла“ проектот за хиперсонични ракети за време на мандатот на Барак Обама.
„Тие ни го украдоа проектот за време на администрацијата на Обама. Некој лош човек им го дал проектот“, рече Трамп во интервју за Фокс њуз.
Американскиот претседател изјави и дека веќе одобрил создавање хиперсонични и „супер хиперсонични“ ракети.

Потсетуваме дека Трамп и во 2023 година изјави дека за време на мандатот на Обама, Русија наводно ги украла плановите за „супер ракета“ што лета со „супер голема брзина“ од Американците. Исто така, во 2020 година актуелниот американски претседател изјави дека Обама е виновен што Русија успеала да направи хиперсонично оружје.
Кремљ одговори дека Русија има свои проектили, кои немаат рамен во светот. Во 2018 година, рускиот претседател Владимир Путин за прв пат јавно го објави тестирањето на ракетниот систем „Кинжал“.

Share on Facebook

Tweet

Follow us

Save