Трамп обвинет за можен судир на интереси: Во јуни направил над 1.000 берзански трансакции

Американскиот претседател Доналд Трамп во текот на јуни годинава преку берзите извршил над 1.000 трансакции со акции и други инвестиции во вкупна вредност од 263 милиони долари (224 милиони евра).

Како што наведуваат американските медиуми, ваквите берзански трансакции би можеле да го покренат прашања за потенцијален судири на интереси, бидејќи Трамп, како претседател, води политики што можат да влијаат врз компаниите и секторите во кои тој инвестира.

Така, Трамп купил акции на берзата за криптовалути коинбејз, а притоа неговата Администрација ги олабави регулативите за крипто секторот, а тој експлицитно изрази поддршка на криптовалутите. Од активности со криптовалути Трамп лани заработил над 1,4 милијарди долари (1,2 милијарди евра).

Трамп повеќе пати купил и продал акции на технолошката компанија „Палантир“, која работи во воениот и безбедносниот сектор, вклучително и откако САД и Иран потпишаа договор за прекин на конфликтот.

Според „Блумберг“, во 2025 година Трамп направил повеќе од 21.000 инвестициски трансакции, со вкупна вредност од 600 милиони до 1,86 милијарди долари (500 до 1,5 милијарди евра).

Белата куќа ги негира обвинувањата за судир на интереси и вели дека инвестициите на Трамп се управувани независно од неговата претседателска должност. Според портпарол на Белта куќа, менаџерите на неговото портфолио намерно користат компјутерски модели за тргување со акции од почетокот на 2025 година, токму како аргумент против можен судир на интереси.

Share on Facebook

Tweet

Follow us

Save