Трамп пак се сврте кон Гренланд: Треба да го управуваат САД, а не Данска

Американскиот претседател Доналд Трамп, кој денеска пристигна во Анкара на Самитот на НАТО, изрази големо разочарување од Алијансата. По пристигнувањето го пречека турскиот претседател Реџеп Таип Ердоган, по што Трамп пред новинарите даде низа остри изјави за членките на НАТО, нивните издвојувања за одбраната и односите со САД. Во турската престолнина пристигна и украинскиот претседател Володимир Зеленски.

Трамп го издвои Гренланд како една од главните точки на несогласување со НАТО.

„Тоа е она што го наруши мојот однос со НАТО. Данска нема корист од Гренланд, не троши пари за навистина да му помогне, а за Соединетите Американски Држави тој е многу важен. Опкружен е со кинески и руски бродови“, рече Трамп.

„Со Гренланд треба да управуваат Соединетите Американски Држави, а не Данска. Би можеле да ги повлечеме сите наши војници од Европа. Подобро им е да внимаваат“, порача американскиот претседател.

Share on Facebook

Tweet

Follow us

Save