Трамп: Рубио оди во Турција, се надевам ќе постигнеме мир

Американскиот претседател Доналд Трамп изјави дека државниот секретар на САД, Марко Рубио, и други претставници на САД ќе отпатуваат во Истанбул на разговори за Украина.

„Нашите луѓе одат таму. Марко Рубио оди, како и други. Ќе видиме дали можеме да постигнеме мир“, рече Трамп.

Тој, исто така, рече дека очекува „прилично добри“ резултати од можните разговори меѓу претставниците на Русија и Украина во Турција.

„Многу е важно што ќе има разговори во Турција на крајот од неделата, евентуално во четврток. И резултатите би можеле да бидат солидни“, рече тој на инвестициски форум во Саудиска Арабија. Американскиот претседател додаде дека континуирано е ангажиран во решавањето на украинската криза.

„Западот не треба да се вклучува во уште една бесконечна војна во Европа“, рече тој.

Share on Facebook

Tweet

Follow us

Save