Трамп: Санкциите кон Русија не се добра идеја, Путин сака договор со Украина

Американскиот претседател Доналд Трамп по телефонскиот разговор со рускиот лидер Владимир Путин изјави дека нема да ги заострува санкциите кон Русија за да не го комплицира процесот на решавање на украинската криза.

„Мислам дека сега постои шанса да се направи нешто, а ако јас направам нешто слично (проширување на санкциите), тогаш работите би можеле да бидат многу полоши“, им рече тој на новинарите во Белата куќа. Сепак, тој додаде дека може да дојде време кога санкциите ќе бидат заострени. На прашањето дали верува дека Путин сака мир и дали има доверба во него, Трамп одговори потврдно. Американскиот претседател го нарече Путин „пријатен господин“.

„Имавме добар разговор, мислам дека постигнавме напредок“, рече тој. Да потсетиме, Путин и Трамп разговараа по телефон во понеделник, а поголемиот дел од разговорот беше посветен на Украина. Според рускиот претседател, телефонскиот разговор траел повеќе од два часа. Путин нагласи дека Русија е подготвена да соработува со украинската страна на меморандум во врска со иден мировен договор. По разговорот, Трамп нагласи дека не воведува нови санкции врз Русија бидејќи постои шанса за решавање на украинската криза. Трамп им порача и на европските лидери дека санкциите не се добра идеја Порталот „Аксиос“ објави дека американскиот претседател, по разговорот со Путин, ги информирал лидерите на ЕУ и Владимир Зеленски дека не ја поддржува идејата за заострување на антируските санкции. „Европските лидери за време на разговорот прашаа за можноста САД да воведат нови санкции врз Русија, но Трамп рече дека не мисли дека тоа е добра идеја, што укажува дека смета оти Путин сака договор со Украина“, се наведува во статијата.

Share on Facebook

Tweet

Follow us

Save